BMW 530xi í Finnlandi

Ískappakstur á eðalvögnum

 
BMW kynnti nýlega tölvustýrða X-Drive fjórhjóladrifið úr X3 og X5 sem valbúnað í 5-línunni. Einnig eru komnar í bílinn ný kynslóð sex strokka línuvélanna frægu og af því tækifæri var 5-línunni reynsluekið í Rovaniemi í Finnlandi fyrir skemmstu en borgin sú er við heimskautsbaug. Frostið fór upp í 30 gráður svo að tækifæri gafst til að reyna bílinn og fjórhjóldrifið á ísilagðri Ounasjokiánni þar sem að starfsmenn BMW höfðu rutt kappakstursbraut í fullri stærð.
 
Öflugri vélar
 
BMW 5-línan er stór bíll, það vefst ekki fyrir neinum sem prófar hann. Plássið er gott í alla staði og stærstu menn geta látið fara vel um sig. Samt styður hann vel við ökumann í sæti og við fætur sem er merki um sportlega eiginleika bílsins. Mælaborð í innréttingu er vel formað og alls staðar er efnisval fyrsta flokks. Búnaður í 530 bílnum er yfirdrifinn og má þar nefna hluti eins og sæti með loftkælingu, nuddi og minni á rafstillingum, fyrirvara í bakkgír og upplýsingakerfi með litaskjá. Fyrst var ekið í kringum Rovaniemi eftir bæði hraðbrautum og sveitavegum. Bílnum var einungis ekið með öflugri þriggja lítra vélinni sem gefur gott spark á löngum kalfa á snúningssviðinu. Samt sem áður er hún nú 10% sparneytnari en gamla vélin. Meira er notað af áli og magnesíum í vélarhluti og er nýja vélin því í raun og veru léttari. Þriggja lítra vélin bætir við sig 27 hestöflum og fer þannig upp í 258 hestöfl og er því öflugasta þriggja lítra vélin í þessum flokki, með 86,1 hestafl á líter rúmtaks. Upptakið er líka 5% betra en áður. Gott tækifæri gafst til að prófa öll hestöflin þegar komið var niður að botnfrosinni ánni. Í prófunarbílunum var búið að koma fyrir upplýsingaskjá sem sýndi hvenær bíllinn skipti á milli fram- og afturdrifs og var athyglisvert að sjá hvernig hann beitti drifinu eftir því hvernig bíllinn vann sig í gegnum beygjurnar.
 
Að spóla eða ekki spóla
 
Það er spurningin. Í grunnatriðum er sama fjórhjóladrif í 5-línunni og sportjeppum BMW en í staðinn fyrir að drifkeðja sjái um að koma aflinu til ásanna eru nú komin tannhjól. Bíllinn tekur af stað í afturdrifinu eingöngu nema aðstæður séu þannig að lítið sem ekkert grip sé þar undir. Tölvuheili sér svo um að nema grip á hjólum og reynir að koma í veg fyrir undir- og yfirstýringu með því að dreifa aflinu milli fram- og afturhjóla. X-Drive kerfið er einnig tengt DSC skrikvörninni sem sér þá um að hemla þeim hjólum sem eru að missa grip til að ná aftur stjórn á bílnum. Skrikvörnin grípur þó ekki inn í á undan X-Drive kerfinu en saman vinna þessi kerfi að því að gera bílinn mjög öruggan í akstri. Hægt er að slökkva á DSC skrikvörninni í tveimur stigum þannig að hún grípur aðeins seinna inn, eða slökkva alveg á henni. Hún kemur þó alltaf inn um leið og hemlalæsivörnin verður virk. Þessi skipting BMW skrikvarnarinnar sem er sér á parti kemur sér vel við aðstæður eins og voru þegar bíllinn var reyndur á ísnum, því að stundum gat verið gott að hafa spólkraft til hjólanna til að halda bílnum á réttum kili á miklum hraða. 
 
Einungis sérpantaður
 
Að sögn Helgu Guðrúnar Jónasdóttur, kynningarstjóra B&L er fjórhjóladrifin 5-lína aðeins fáanlegur með sérpöntun, sem tekur um tvo mánuði. Bíllinn er fáanlegur strax með vorinu og er áætlað verð á BMW 530xi 5.680.000 kr. Þetta verð er alls ekki slæmt þegar aðal keppinauturinn Audi A6 quattro með 250 hestafla V6 vélinni kostar 5.990.000 kr.
 
 
Leikið lausum hala á kappakstursbrautinni á ísilagðri Ounasjoki ánni.
Print
Nýjustu fréttir
Kurs jazdy na motor...
Informujemy, |e Bifhjólaskólinn Aðalbraut (szkola jazdy motorem) przeprowadzi...
Styttist í ađ...
Vegna góðrar veðurtíðar er stutt í að verkleg...
Frítt...
Viđ hjá Ađalbraut bjóđum uppá ţá nýjung ađ bjóđa ókeypis A1 mótorhjólapróf ţegar ţađ er tekiđ...

Mótorhjól til leigu

 

Við erum í góðu samstarfi við mótorhjólaleiguna Off Road Tours og bjóðum nemendum okkar að leigja mótorhjól á sérkjörum. Tvær gerðir ferðahjóla eru í boði, Honda NC750X og Honda Africa Twin 1000 og fást þau einnig leigð með töskum og galla. Þau eru auðveld í akstri og því tilvalið að leigja sér hjól einn dag til að halda kunnáttunni við. Einnig er hægt að leigja léttari 250 rsm torfæruhjól sem við bjóðum einnig uppá sérstök námskeið á. Hafðu samband við okkur í síma 869-1330 til að fá leigt hjól.

Njáll Gunnlaugsson

Búðu til þitt eigið nafnspjald