Lexus GS300

Með fágun að leiðarljósi

 

Síðan að Lexus hóf að setja bíla á markað fyrir sextán árum síðan hefur merkið raðað til sín verðlaunum og viðurkenningum. Flest eru þau fyrir gæði í hönnun og framleiðslu og ánægju kaupenda með merkið. Hefur Lexus verið á topplista JD Power síðan 1990, en það fyrirtæki stundar rannsóknir á vörugæðum. Ný kynslóð GS300 bílsins var kynnt í mars á bílasýningunni í Genf og kom bíllinn til landsins skömmu seinna. Spurningin er eftir reynsluakstur á bílnum hvort að Lexus hafi náð nýjum hæðum í fágun með þessum bíl, því að það orð lýsir þessum bíl betur en nokkuð annað.
 
Þægindi í fyrirrúmi
 
Einfaldar en jafnframt sportlegar línur GS300 minna um margt á útlit annarra stærri millistærðarbíla frá Japan og Suður-Kóreu. Þegar betur er að gáð sést þó grundvallar munur sem hefur sitt að segja þegar farið er að aka bílnum. Samskeyti í yfirbyggingu eru nánast ósýnileg en það skiptir miklu máli fyrir vindmótstöðu og þar af leiðandi minnkar það vindhljóð sem er nánast óþekkt fyrirbrigði í þessum bíl. Vindmótsstuðull er aðeins 0,27 sem er mjög lítið. Nýi bíllinn er lengri en fyrri gerð og með meira hjólhaf sem finnst vel í innra rými hans. Með sóllúgu er höfuðrými fyrir framsæti með minnsta móti en fótarými er sérlega gott í aftirsætum. Farangursrými hefur þó minnkað töluvert frá fyrri gerð, úr 510 lítrum í 430 en skott er vel aðgengilegt. Hönnun innandyra er hefðbundin en um leið glæsileg eins og ekta leður og viðaráferð bera vitni um. Til að auka á einfaldleikann sem mætir manni eru margir stjórntakkar faldir í sérstöku stjórnborði sem fella má niður vinstra megin við stýri. Mikið er um sjálfvirkni í nýja bílnum sem gerir ökumanni og farþegum lífið þægilegt. Optitron skjárinn í mælaborðinu er með sérstökum birtustilli og breytir um birtustig eftir ytri áhrifum, til dæmis eykur hann ljósmagn þegar ekið er undir mislæg gatnamót. Aukalýsing er á hluti sem eru mikið handfjatlaðir eins og hurðarhandföng, gírstöng og stýri. Stöðuhemill er með gamla ameríska laginu, sem er fótpedall fyrir vinstri fót og vildi hann jafnvel flækjast aðeins fyrir fæti ökumanns.
 
Góður akstursbíll
 
Lexus GS300 er með lyklalausu aðgengi þannig að nóg er að hafa fjarstýringuna í vasanum og opna og ræsa bílinn með því einu að ýta á hnapp. Skynjar bíllinn þá nálægð hennar en leyfði þó áframhaldandi akstur þótt að fjarstýringin væri skilin eftir einu sinni. Eins og áður sagði er aksturinn sérlega þægilegur og hljóðlaus. Þrátt fyrir aflmikla vél og gott upptak er það átakalaust og skiptingar silkimjúkar í sex þrepa sjálfskiptingunni. Bíllinn liggur vel á vegi þegar tekið er á honum þrátt fyrir að vera mjúkur þar sem máli skiptir. Kemur nokkuð á óvart hversu mikill akstursbíll er hér á ferðinni þvi að önnur gildi hafa hingað til verið ofar á blaði í Lexus bílum. Ekki er þó ráðlagt að bregða sér langt út af malbikinu því aðeins 130 mm eru undir bílinn.
 
Búinn nýjustu tækni
 
Varla þarf að taka fram að staðalbúnaðarlisti GS300 er langur og fullur að nýjustu græjum. Rafstillanlegt stýri er með fjölhæfum stjórnbúnaði eins og takka fyrir síma, hljómtæki og upplýsingaskjá en einnig má stilla skriðstilli og virkja raddstýringu frá stýri. Ekki er þó hægt að fá fjarlægðarstillinguna hérlendis. Sæti er með fjölhæfum rafstillingum og þremur minnisstillingum hvoru megin. Litasjárinn er snertiskjár svo að nægilegt er að styðja með fingri til að stilla hljómtæki, miðstöð eða aksturstölvu. Fyrirvari er allan hringinn sem auðveldar mjög þegar leggja þarf í þröng stæði og ef bíllinn er tekinn með leiðsögukerfi fylgir bakkmyndavél með í kaupunum. Grunnverð GS300 með minni vélinni er 5.150.000 kr. sem er aðeins minna en hans helstu keppinautar Audi A6 og BMW 5-lína. Með 3,2 lítra vélinni kostar A6 5.690.000 kr. en tekið skal fram að um fjórhjóldrifinn bíl er að ræða, sem panta þarf sérstaklega í GS bílnum. BMW 5-lína með þriggja lítra vél byrjar svo í 5.230.000 kr.
Print
Nýjustu fréttir
Kurs jazdy na motor...
Informujemy, |e Bifhjólaskólinn Aðalbraut (szkola jazdy motorem) przeprowadzi...
Styttist í ađ...
Vegna góðrar veðurtíðar er stutt í að verkleg...
Frítt...
Viđ hjá Ađalbraut bjóđum uppá ţá nýjung ađ bjóđa ókeypis A1 mótorhjólapróf ţegar ţađ er tekiđ...

Mótorhjól til leigu

 

Við erum í góðu samstarfi við mótorhjólaleiguna Off Road Tours og bjóðum nemendum okkar að leigja mótorhjól á sérkjörum. Tvær gerðir ferðahjóla eru í boði, Honda NC750X og Honda Africa Twin 1000 og fást þau einnig leigð með töskum og galla. Þau eru auðveld í akstri og því tilvalið að leigja sér hjól einn dag til að halda kunnáttunni við. Einnig er hægt að leigja léttari 250 rsm torfæruhjól sem við bjóðum einnig uppá sérstök námskeið á. Hafðu samband við okkur í síma 869-1330 til að fá leigt hjól.

Njáll Gunnlaugsson

Búðu til þitt eigið nafnspjald