Fiat Panda 4X4

Úlfarsfellið sigrað – á smábíl
 
Hinn sérstaki Fiat Panda kom fram á sjónarsviðið fyrir tveimur árum síðan og stal senunnni með því að hirða titilinn “Bíll ársins í Evrópu 2004.” Nú er hann kominn í fjórhjóladrifsútgáfu sem ætti að henta vel hér uppi á Fróni. Síðar munum við eiga von á honum með dísilvél en verið er að prófa slíka útgáfu hjá Fiat sem væntanleg er með haustinu. Til að byrja með er hann þó aðeins fáanlegur með 1,2 lítra bensínvél.
 
Kraftlítil vél
 
Þessi kraftlitla 1,2 lítra vélin skilar aðeins 60 hestöflum svo að 20 sekúndna upptakið er með hraða snigilsins. Til að vélin gefist einfaldlega ekki upp er gírkassinn með aðeins lægri hlutföll en í framhjóladrifna bílnum. Töluvert veghljóð er í bílnum enda ekki verið að eyða í óþarfa þyngd eins og hljóðeinangrandi mottur og þess háttar. Reyndar var bíllinn sem prófaður var á frekar grófum dekkjum sem hjálpaði ekki upp á. Innanbæjar háir kraftleysið honum lítið og þar sem að stýrið er með svokallaðri borgarstillingu er hann léttur og lipur í snúningum. Beygjuradíus er aðeins 9,6 metrar svo að hægt er að smeygja þessum stutta bíl í hvaða stæði sem er. Bíllinn er með stífari fjöðrun vegna aukinnar veghæðar og liggur því ágætlega á vegi þar sem hann er laus við mikla boddýveltu. Margir muna eftir gömlu Pöndunni með fjórhjóladrifinu sem sumir fóru um allar jarðir á. Ólíkt þeim bíl er nýja Pandan ekki með heilum afturöxli heldur litlum millikassa og sitt hvoru drifskaftinu til afturhjólanna.
Fjöðrunin er sjálfstæð allan hringinn, Macpherson með lægri klöfum að framan og jafnvægisstöng að aftan.
 
Upp á topp
 
Hefur einhver heyrt um smábíl sem hefur farið upp á topp Úlfarsfells? Undirritaður notar oft þennan grófa og bratta veg til að prófa getu jeppa og jepplinga utanvega. Stundum sá maður gamla Panda 4x4 bílinn uppi í Þórsmörk eða á öðrum ólíklegum stöðum, og því þá ekki að reyna þennan svona líka? Skemmst er frá að segja að bíllinn fór nánast fyrirhafnarlaust upp á topp og rak sig aðeins tvisvar upp undir í urðinni á veginum. Þar sem að sterk hlífðarplata úr stáli er undir vélinni kom það ekki að sök. Geta þessa smábíls í torfærum er því einfaldlega sér á parti. Er þar margt sem hjálpast að, eins og hversu utarlega hjólin eru, hversu hátt er upp undir hann og hversu léttur hann er. Það ætti einnig að hjálpa honum vel í snjónum. Bíllinn er 50 mm hærri upp undir en framhjóladrifna Pandan. Aðfallshorn hans er 26° og fráfallshorn hans er enn betra eða 44° sem er töluvert. Klifurgeta er einnig töluverð því að bíllinn á að geta komist upp meira en 50% halla.
 
Skráður fyrir fjóra
 
Innandyra er allt eins og í hefðbundnu Pöndunni. Innréttingin er vel upp sett og þægilegt að hafa gírstöngina í mælaborðinu. Hann er ágætlega rúmgóður fyrir fjóra, enda aðeins skráður þannig en hægt er að fá fimmta öryggisbeltið sem aukabúnað. Líkt og í mörgum smábílnum er pláss fyrir vinstri fót ökumanns af skornum skammti. Um þokklalega vel búinn bíl er að ræða en loftkæling með tölvustýrðri miðstöð eins og í prufubílnum var aukabúnaður. Verðið á 4x4 bílnum er 1.590.000 kr. Helsti keppinauturinn Suzuki Wagon R+ með fjórhjóladrifi og aðeins öflugri 1,3 lítra vél er nokkru ódýrari eða á 1.530.000 kr.
 
Mynd: Tryggvi Þormóðsson
Print
Nýjustu fréttir
Kurs jazdy na motor...
Informujemy, |e Bifhjólaskólinn Aðalbraut (szkola jazdy motorem) przeprowadzi...
Styttist í ađ...
Vegna góðrar veðurtíðar er stutt í að verkleg...
Frítt...
Viđ hjá Ađalbraut bjóđum uppá ţá nýjung ađ bjóđa ókeypis A1 mótorhjólapróf ţegar ţađ er tekiđ...

Mótorhjól til leigu

 

Við erum í góðu samstarfi við mótorhjólaleiguna Off Road Tours og bjóðum nemendum okkar að leigja mótorhjól á sérkjörum. Tvær gerðir ferðahjóla eru í boði, Honda NC750X og Honda Africa Twin 1000 og fást þau einnig leigð með töskum og galla. Þau eru auðveld í akstri og því tilvalið að leigja sér hjól einn dag til að halda kunnáttunni við. Einnig er hægt að leigja léttari 250 rsm torfæruhjól sem við bjóðum einnig uppá sérstök námskeið á. Hafðu samband við okkur í síma 869-1330 til að fá leigt hjól.

Njáll Gunnlaugsson

Búðu til þitt eigið nafnspjald