Fréttir
17.06.07
BMW međ 450 rsm torfćruhjól
BMW međ 450 rsm...
Sá orðrómur að BMW hafi verið að þróa torfæruhjól í samkeppni við KTM og japönsku framleiðendurna hefur nú verið staðfestur. BMW áætlar að hefja sölu á eins strokks 450 rúmsentimetra fjórgengishjóli strax á næsta ári. Þegar hefur eitt hjól verið við prófanir opinberlega en það er Sascha Eckert, prófunarmaður frá BMW sem hefur keppt í þýskum þolaksturmótum að undanförnu. Þetta hjól er nokkuð frábrugðið þeim torfæruhjólum sem BMW hefur framleitt hingað til. Til að mynda er keðjan hægra megin og pústið vinstra megin hjá BMW en á 450 hjólinu er keðjan nú réttu megin ef svo má að orði komast. Kúplingin er á enda sveifarássins sem að sparar pláss í grindinni sem þykir nokkuð nýstarleg. Pústið er ofarlega undir brettinu og frambrettið er næstum eins og af KTM hjóli. Það er svo sem engin tilviljun að BMW hjólið líkist mjög KTM hjólinu því að hermt er að BMW sé að kaupa Husqvarna verksmiðjurnar og hafa hingað til prófað hjólið á fyrrum prófunarbraut Husqvarna. Husqvarna og Husaberg eru náskyld mótorhjól en Husaberg er í eigu KTM verksmiðjanna.
 
BMW kynnti nýja hjólið fyrst opinberlega fyrir nokkrum vikum þegar Sascha Eckert og Joel Smets, fyrrverandi heimsmeistari í motocross akstri, tóku þátt á því í heimsmeistaramótinu í þolakstri á Spáni í lok apríl. Fyrsta prófraun hjólsins þóttist heppnast með ágætum því að báðir keppendur náðu í stigasæti á fyrri keppnisdegi og Sascha einnig á seinni keppnisdegi. Joel þurfti að hætta keppni seinni daginn vegna rafmagnsvandræða. Næsta keppni sem að hjólið tekur þátt í er á Ítalíu 26-27 maí.
Deila
Nýjustu fréttir
Kurs jazdy na motor...
Informujemy, |e Bifhjólaskólinn Aðalbraut (szkola jazdy motorem) przeprowadzi...
Styttist í ađ...
Vegna góðrar veðurtíðar er stutt í að verkleg...
Frítt...
Viđ hjá Ađalbraut bjóđum uppá ţá nýjung ađ bjóđa ókeypis A1 mótorhjólapróf ţegar ţađ er tekiđ...

Mótorhjól til leigu

 

Við erum í góðu samstarfi við mótorhjólaleiguna Off Road Tours og bjóðum nemendum okkar að leigja mótorhjól á sérkjörum. Tvær gerðir ferðahjóla eru í boði, Honda NC750X og Honda Africa Twin 1000 og fást þau einnig leigð með töskum og galla. Þau eru auðveld í akstri og því tilvalið að leigja sér hjól einn dag til að halda kunnáttunni við. Einnig er hægt að leigja léttari 250 rsm torfæruhjól sem við bjóðum einnig uppá sérstök námskeið á. Hafðu samband við okkur í síma 869-1330 til að fá leigt hjól.

Njáll Gunnlaugsson

Búðu til þitt eigið nafnspjald